அண்டை நாடான நேபாளத்தில் ஏற்பட்டுள்ள பேரழிவு இயற்கைச் சீற்றத்தை எதிர்கொள்வது குறித்து நேபாள பிரதமர் பாலேந்திர ஷா தங்களின் நாட்டின் உறுதியான நிலைப்பாட்டை சர்வதேச சமூகத்திற்குத் தெரிவித்துள்ளார்.
இதுகுறித்து அவர் வெளியிட்ட முக்கிய அறிவிப்பில், “எங்கள் நாட்டின் பாதுகாப்புப் படைகளால் மீட்புப் பணிகளை மிகவும் சிறப்பாகச் செய்ய முடியும். அதேபோல் நிவாரணப் பணிகளையும் எங்களது சொந்தக் குழுக்களாலேயே சிறப்பாக ஒருங்கிணைத்து மேற்கொள்ள இயலும்” என்று குறிப்பிட்டுள்ளார்.
மேலும் தொடர்ந்து பேசிய அவர், “வெளிநாடுகளில் இருந்து வழங்கப்படும் நிவாரணப் பொருட்கள் மற்றும் நிதி உதவியை மட்டும் நாங்கள் நன்றியுடன் ஏற்றுக் கொள்கிறோம். ஆனால், பிற நாட்டினர் யாரும் தங்களின் மீட்புக் குழுக்களை நேபாளத்திற்கு அனுப்ப வேண்டாம் என அன்புடன் கேட்டுக்கொள்கிறோம்” என்று தெளிவாக வலியுறுத்தியுள்ளார்.
பேரிடர் காலத்தில் சொந்த நாட்டின் பாதுகாப்புப் படைகளின் திறமையின் மீது முழு நம்பிக்கை வைத்து, வெளிநாட்டு மீட்புக் குழுக்களின் வருகையைத் தவிர்த்து, நிதி மற்றும் நிவாரணப் பொருட்களை மட்டும் ஏற்றுக்கொள்ளும் நேபாள பிரதமர் பாலேந்திர ஷாவின் இந்த அதிரடி அறிவிப்பு சர்வதேச அரங்கிலும் ஊடகங்கள் மத்தியிலும் பெரும் விவாதப் பொருளாக மாறியுள்ளது.