“மதம் மாறினால் சலுகைகள் இல்லை!”: பட்டியலின அந்தஸ்தையோ, வன்கொடுமை சட்டத்தையோ கோர முடியாது – உயர்நீதிமன்ற மதுரை அமர்வு அதிரடி தீர்ப்பு!

கிறிஸ்தவ மதத்திற்கு மாறியவர்கள் வன்கொடுமை தடுப்புச் சட்டத்தையோ அல்லது பட்டியலின ஜாதி (SC) அந்தஸ்தையோ கோர முடியாது என்று உயர்நீதிமன்ற மதுரை அமர்வு அதிரடியாக உத்தரவிட்டுள்ளது.

இது தொடர்பான வழக்கை விசாரித்த நீதிபதி எல்.விக்டோரியா கௌரி இந்த முக்கியத் தீர்ப்பை வழங்கியுள்ளார். 1950 அரசியலமைப்பு திருத்தச் சட்டத்தின்படி, இந்து, சீக்கியர் மற்றும் பௌத்த மதங்களை அல்லாத பிற மதங்களுக்கு மாறியவர்கள் பட்டியலினத்தவராகக் கருதப்பட முடியாது என்று தனது தீர்ப்பில் சுட்டிக்காட்டினார்.

எனவே, கிறிஸ்தவ மதத்திற்கு மாறிய நபர் பட்டியலினப் பிரிவினருக்கு உரிய சட்டப் பாதுகாப்புகளையோ அல்லது சலுகைகளையோ கோருவதற்கு சட்டப்பூர்வ உரிமை இல்லை என்றும் நீதிபதி தெளிவுபடுத்தியுள்ளார்.

மதமாற்றம் மற்றும் பட்டியலின உரிமைகள் தொடர்பாக உயர்நீதிமன்ற மதுரை அமர்வில் நீதிபதி எல்.விக்டோரியா கௌரி அளித்துள்ள இந்த வரலாற்றுச் சிறப்புமிக்கத் தீர்ப்பு, வழக்கறிஞர்கள், சமூக ஆர்வலர்கள் மற்றும் அரசியல் களத்தில் பெரும் விவாதத்தையும் சட்டரீதியான முக்கியத்துவத்தையும் பெற்றுள்ளது.

Leave a Comment