திருச்சியில் உள்ள திமுக முன்னாள் அமைச்சர் கே.என். நேருவின் இல்லத்தில் லஞ்ச ஒழிப்புத்துறையினர் (DVAC) திடீர் சோதனை நடத்தி வருகின்றனர்.
சட்டமன்றத்தில் எழுப்பப்பட்ட கேள்விகளைத் தொடர்ந்து இந்த அதிரடி ரெய்டு நடைபெற்று வருவதாகக் கூறப்படும் நிலையில், இச்சம்பவம் குறித்து தகவல் அறிந்ததும் முன்னாள் அமைச்சர் அன்பில் மகேஷ் பொய்யாமொழி உள்ளிட்ட திமுகவின் முக்கிய நிர்வாகிகள் மற்றும் தொண்டர்கள் கே.என். நேருவின் வீட்டின் முன்பு பெருமளவில் திரண்டுள்ளனர்.
லஞ்ச ஒழிப்புத்துறையின் இந்த நடவடிக்கைக்கு எதிர்ப்புத் தெரிவிக்கும் வகையிலும், கட்சியின் மூத்த நிர்வாகிக்கு ஆதரவு தெரிவிக்கும் வகையிலும் நிர்வாகிகள் குவிந்து வருவதால் அப்பகுதியில் பாதுகாப்பு பலப்படுத்தப்பட்டு பெரும் பரபரப்பு நிலவி வருகிறது.
அரசியல் ரீதியான நெருக்கடிகள் மற்றும் பழிவாங்கும் நடவடிக்கைகளுக்கு அஞ்சப்போவதில்லை என திமுக தரப்பில் தெரிவிக்கப்பட்டு வரும் நிலையில், திருச்சியில் உள்ள நேருவின் இல்லத்திற்கு முன்பாக அன்பில் மகேஷ் உள்ளிட்ட முக்கிய நிர்வாகிகள் திரண்டுள்ள சம்பவம் அரசியல் வட்டாரத்தில் மிகக் காரசாரமான விவாதத்தைக் கிளப்பியுள்ளது.