தந்தை பெரியாரின் பிறந்தநாளான செப்டம்பர் 17-ஆம் தேதி சமூக நீதி நாளாகக் கொண்டாடப்படுவதை முன்னிட்டு, தமிழக முதல்வர் விஜய் அமைச்சர்கள் மற்றும் அரசு உயர் அதிகாரிகளுடன் இணைந்து சமூக நீதி நாள் உறுதிமொழியை முறைப்படி ஏற்றுக்கொண்டார்.
இந்நிகழ்வின் போது பெரியாரின் உருவப்படத்திற்குத் தலைவர்கள் மலர் தூவி மரியாதை செலுத்தினர். அதைத் தொடர்ந்து உரையாற்றிய முதல்வர், “பகுத்தறிவுப் பார்வையில் கொண்டவையாக என்னுடைய செயல்பாடுகள் எப்போதும் அமையும்; சமத்துவம், சகோதரத்துவம், சமதர்மம் ஆகிய கொள்கைகளுக்காக என்னை முழுமையாக ஒப்படைத்துக் கொள்வேன். மானுடத்தின் மீது பற்றையும் மனிதபிமானத்தையும் என்றும் போற்றுவேன்.
சமூக நீதியை அடித்தளமாகக் கொண்ட சமுதாயத்தை அமைக்க இந்த நாளில் உறுதியேற்கிறேன்” என்று உணர்ச்சிப்பூர்வமாக உறுதிமொழி வாசித்தார். அரசு இயந்திரத்தைச் சமூக நீதிக் கோட்பாடுகளின் வழியில் திறம்படச் செலுத்துவதையும், ஒடுக்கப்பட்ட மக்களின் உரிமைகளைப் பாதுகாப்பதையும் நோக்கமாகக் கொண்டு இந்த உறுதிமொழி ஏற்பு நிகழ்வு நடத்தப்பட்டுள்ளது.
திராவிடச் சிந்தனைகள் மற்றும் பெரியாரியல் கொள்கைகளை மையமாகக் கொண்டு அரசு செயல்படும் என்பதை மீண்டும் வலியுறுத்தும் வகையில் அமைந்த முதல்வரின் இந்த உறுதிமொழி ஏற்பு, தமிழக அரசியல் வட்டாரத்திலும் சமூக ஆர்வலர்கள் மத்தியிலும் பெரும் கவனத்தையும் ஆதரவையும் பெற்றுள்ளது.