உலக பொருளாதார மன்ற தலைவர் அலோயிஸ் அளித்த பிரத்யேக அழைப்பை ஏற்று, தமிழக முதல்வர் விஜய் ஸ்விட்சர்லாந்து நாட்டிற்குப் பயணம் மேற்கொள்ள உள்ளதாக நம்பத்தகுந்த வட்டாரங்கள் தெரிவிக்கின்றன.
ஸ்விட்சர்லாந்தின் டாவோஸ் நகரில் வரும் ஜனவரி 18 முதல் 20 வரை நடைபெறவுள்ள உலக பொருளாதார மன்றத்தின் வரலாற்றுச் சிறப்புமிக்க ஆண்டு கூட்டத்தில் அவர் பங்கேற்க உள்ளார்.
சர்வதேச அளவிலான தொழில் தலைவர்கள், உலக நாடுகளின் அரசியல் தலைவர்கள் மற்றும் பொருளாதார நிபுணர்கள் கூடும் இந்த உலகளாவிய மேடையில், தமிழகத்தின் தொழில் முதலீட்டு வாய்ப்புகளை உலக அரங்கில் முன்வைக்கவும், சர்வதேச தொழிற்கழுமங்களை மாநிலத்தை நோக்கி ஈர்க்கவும் இப் பயணம் திட்டமிடப்பட்டுள்ளது.
தவெக ஆட்சிப் பொறுப்பேற்ற பிறகு, மாநிலத்தின் பொருளாதார வளர்ச்சியை வேகப்படுத்தும் நோக்கில் பல்வேறு சீர்திருத்தங்கள் முன்னெடுக்கப்பட்டு வரும் நிலையில், உலக பொருளாதார மன்ற கூட்டத்தில் முதலமைச்சர் விஜய் பங்கேற்பது சர்வதேச தொழில் அமைப்புகளின் கவனத்தைத் தமிழகத்தின் பக்கம் திருப்பும் எனக் கருதப்படுகிறது.
ஏற்கனவே முன்னெடுக்கப்பட்ட சர்வதேசப் பயணங்களின் தொடர்ச்சியாக அமையவுள்ள இப் பயணம் மூலம், உயர்தொழில்நுட்பம், புதுப்பிக்கத்தக்க ஆற்றல் மற்றும் உற்பத்தித் துறைகளில் புதிய பன்னாட்டு முதலீடுகள் மாநிலத்திற்கு வரக்கூடும் என்ற எதிர்பார்ப்பும் அதிகரித்துள்ளது.
ஆளும்கட்சியின் இந்த முக்கியப் பொருளாதார நகர்வு, மாநிலத்தின் தொழில் வளர்ச்சிப் பாதையில் ஒரு குறிப்பிடத்தக்க மைல்கல்லாகப் பார்க்கப்படுவதோடு, உள்நாட்டு மற்றும் உலகளாவிய வர்த்தக வட்டாரங்களில் பெரும் வரவேற்பைப் பெற்று வருகிறது.