இடைத்தேர்தல் வாக்கு எண்ணிக்கை: மதுராந்தகம், தாராபுரத்தில் தொடக்கத்திலிருந்தே தவெக முன்னிலை; திமுக இரண்டாவது இடம்!

தமிழகத்தில் பெரும் அரசியல் எதிர் பார்ப்பை ஏற்படுத்தியிருந்த இடைத்தேர்தல் வாக்கு எண்ணிக்கையில், ஆரம்பக் கட்ட நிலவரங்கள் தேர்தல் களத்தை அதிர வைத்துள்ளன. மதுராந்தகம் மற்றும் தாராபுரம் ஆகிய இரு முக்கியச் சட்டமன்றத் தொகுதிகளிலும் வாக்கு எண்ணிக்கை தொடங்கியது முதல் தமிழக வெற்றிக் கழகம் (தவெக) வேட்பாளர்கள் தொடர்ந்து முன்னிலை வகித்து வருகின்றனர்.

வாக்கு எண்ணும் மையங்களில் தபால் வாக்குகள் எண்ணி முடிக்கப்பட்டதைத் தொடர்ந்து, மின்னணு வாக்குப்பதிவு இயந்திரங்களில் பதிவான வாக்குகள் எண்ணும் பணி விறுவிறுப்பாக நடைபெற்றது. இதில் முதல் சுற்றிலிருந்தே தமிழக வெற்றிக் கழகம் கணிசமான வாக்கு வித்தியாசத்தில் தனது ஆதிக்கத்தை நிலைநிறுத்தி வருகிறது.

ஆளும் தரப்பான திமுக இத்தொகுதிகளில் கடுமையான போட்டியை அளித்தபோதிலும், தொடக்கம் முதலே இரண்டாவது இடத்திற்குத் தள்ளப்பட்டுள்ளது. அரசியல் களத்தில் புதிதாகக் களம் கண்டுள்ள தமிழக வெற்றிக் கழகத்தின் இந்தத் தொடர் முன்னிலை, பாரம்பரிய அரசியல் கட்சிகள் மற்றும் அரசியல் விமர்சகர்கள் மத்தியில் பெரும் ஆச்சரியத்தையும் அதிர்வலைகளையும் ஏற்படுத்தியுள்ளது.

வாக்கு எண்ணும் மையங்களைச் சுற்றிலும் தவெக தொண்டர்கள் திரண்டு வந்து உற்சாகக் முழக்கங்களை எழுப்பி வெற்றிக் கொண்டாட்டங்களில் ஈடுபட்டு வருகின்றனர். மதுராந்தகம் மற்றும் தாராபுரம் தொகுதிகளின் அடுத்தடுத்த சுற்று முடிவுகள் வெளிவர உள்ள நிலையில், தவெகவின் இந்தத் தொடர் முன்னிலை தமிழக அரசியல் களத்தில் ஒரு புதிய கூட்டணிக் கணக்கையும், அதிகாரப் போட்டியையும் உருவாக்கியுள்ளது.

Leave a Comment