மக்கள் நீதி மய்யம் கட்சியின் தலைவர் கமல்ஹாசன் தலைமையில், அக்கட்சியின் நிர்வாகக் குழு மற்றும் செயற்குழு கூட்டம் அக்டோபர் 22-ம் தேதி இணைய வழியில் நடைபெறுகிறது. தமிழக அரசியலில் அடுத்தடுத்து முக்கியக் திருப்பங்கள் ஏற்பட்டு வரும் சூழலில், மக்கள் நீதி மய்யத்தின் இந்த ஆலோசனை கூட்டம் அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது.
இக்கூட்டத்தில் நடப்பு அரசியல் சூழல்கள், கட்சி வளர்ச்சிப் பணிகள் மற்றும் அடுத்த கட்ட வியூகங்கள் குறித்து விரிவாக ஆலோசனை நடத்தப்படுகிறது. மேலும், உட்கட்சி நிர்வாகத்தை வலுப்படுத்துவது, புதிய உறுப்பினர்களைச் சேர்ப்பது மற்றும் வரவிருக்கும் அரசியல் களங்களை எதிர்கொள்வது தொடர்பான முக்கிய முடிவுகள் இக்கூட்டத்தில் எடுக்கப்படும் என எதிர்பார்க்கப்படுகிறது.
தலைவர் கமல்ஹாசன் இந்த காணொலி வாயிலாக நடைபெறும் கூட்டத்தில் கலந்துகொண்டு, கட்சியின் மண்டல நிர்வாகிகள் மற்றும் செயற்குழு உறுப்பினர்களுக்கு அடுத்தகட்ட பணிகள் குறித்த முக்கிய வழிகாட்டுதல்களையும் ஆலோசனைகளையும் வழங்கவுள்ளார்.
கட்சியின் வளர்ச்சி மற்றும் மக்களோடு இணைந்த மக்கள் போராட்டங்களை முன்னெடுப்பது குறித்து விரிவாக விவாதிக்கப்படவுள்ளதால், இந்தச் செயற்குழு கூட்டம் மக்கள் நீதி மய்யத்தின் எதிர்கால அரசியல் பயணத்திற்கு மிக முக்கியமான ஒன்றாகப் பார்க்கப்படுகிறது.