தமிழ்நாட்டில் நிலவி வரும் வறட்சி நிலைமையைச் திறம்படச் சமாளிக்கவும், மக்களின் அடிப்படைத் தேவைகளைப் பூர்த்தி செய்யவும் ரூ.288.97 கோடி நிதி ஒதுக்கீடு செய்து தமிழக அரசு அதிகாரப்பூர்வ அரசாணையை வெளியிட்டுள்ளது.
கோடைக்கால வெப்பம் மற்றும் போதிய மழையின்மை காரணமாக மாநிலத்தின் பல்வேறு பகுதிகளில் குடிநீர் தட்டுப்பாடு ஏற்படும் சூழல் உருவாகியுள்ள நிலையில், பொதுமக்களின் அவதியைப்போக்க அரசு இந்த அதிரடி நடவடிக்கையை மேற்கொண்டுள்ளது.
இந்த நிதி ஒதுக்கீட்டின் மூலம் கிராமப்புறங்கள் மற்றும் நகர்ப்புறங்களில் குடிநீர் விநியோகத்தை தடையின்றி வழங்கவும், நிலத்தடி நீர் ஆதாரங்களை மேம்படுத்தும் நிவாரணப் பணிகளை விரைவுபடுத்தவும் திட்டமிடப்பட்டுள்ளது. மேலும், வறட்சியால் கடுமையாகப் பாதிக்கப்பட்டுள்ள மக்களுக்கு உடனடி உதவிகளைச் சென்றடையச் செய்ய வேண்டும் என அனைத்து மாவட்ட அதிகாரிகளுக்கும் அரசு சார்பில் கடுமையான உத்தரவுகள் பிறப்பிக்கப்பட்டுள்ளன.
குடிநீர் தட்டுப்பாடு உள்ள இடங்களில் லாரிகள் மூலம் உடனுக்குடன் நீர் விநியோகம் செய்யவும், புதிய ஆழ்துளைக் கிணறுகள் அமைக்கும் பணிகளைத் துரிதப்படுத்தவும் நடவடிக்கை எடுக்கப்பட்டு வருகிறது. அரசின் இந்த தொலைநோக்கு நடவடிக்கை வறட்சியின் தாக்கத்தைக் குறைத்து, மக்களுக்குப் பெரும் நிவாரணமாக அமையும் என எதிர்பார்க்கப்படுகிறது.