தமிழகச் சட்டப்பேரவையில் நடைபெறும் விவாதங்கள் மற்றும் நடவடிக்கைகளை நேரில் பார்வையிடுவதற்காக எதிர்க்கட்சித் தலைவர் உதயநிதி ஸ்டாலினின் மகன் இன்பநிதி திடீரெனத் தலைமைச் செயலகத்திற்கு வருகை தந்துள்ளார்.
சட்டமன்றப் பார்வையாளர்கள் மாடத்தில் அமர்ந்து பேரவை நிகழ்வுகளை அவர் கூர்ந்து கவனித்தார். இன்பநிதியின் எதிர்பாராத இந்த திடீர் வருகையைத் தலைமைச் செயலக வளாகத்தில் கூடியிருந்த செய்தியாளர்கள், பார்வையாளர்கள் மற்றும் பொதுமக்கள் மிகுந்த ஆர்வத்துடன் கவனித்தனர்.
திமுக குடும்பத்தின் இளைய தலைமுறைப் பிரதிநிதியாக அறியப்படும் இன்பநிதி, சட்டப்பேரவை நிகழ்வுகளை நேரில் பார்க்க வருகை தந்தது குறித்த புகைப்படம் சமூக வலைத்தளங்களில் வைரலாகி வருவதுடன், தமிழக அரசியல் வட்டாரத்திலும் பரவலான பேச்சாகவும் விவாதப் பொருளாகவும் மாறியுள்ளது.