விஜய் சேதுபதி மார்க்கெட் போன நடிகர்: மூத்த பத்திரிகையாளர் மணி கடும் விமர்சனம்!

நடிகர் விஜய் சேதுபதிக்கு தற்சமயம் சினிமாவில் பெரியளவில் மார்க்கெட் எதுவும் இல்லை என்றும், அவர் முற்றிலும் மார்க்கெட் போன ஒரு நடிகர் என்றும் மூத்த பத்திரிகையாளர் மணி கடுமையாக விமர்சித்துள்ளார்.

அவர் அளித்துள்ள பேட்டியில், “அவர் தொகுத்து வழங்கும் இந்த பிக்பாஸ் நிகழ்ச்சி படுதோல்வி அடைந்துள்ளது. ரசிகர்களிடம் இந்த சீசன் சுத்தமாக பிக்கப் ஆகவில்லை. பிக்பாஸ் வரலாற்றிலேயே இதுவரை ஒளிபரப்பான 10 சீசன்களில் இதுதான் மிக மோசமான சீசன் ஆகும்.

திமுக ஆட்சி அதிகாரத்தில் இருந்தபோதெல்லாம் வாயைப் பொத்திக்கொண்டு அமைதியாக இருந்த இவர், தற்போது எப்படியாவது சரிந்துபோன தனது மார்க்கெட்டைக் காப்பாற்றிக் கொள்ள வேண்டும் என்பதற்காகவே சர்ச்சைக்குரிய வகையில் எதையாவது பேசி வருகிறார்.

அதனால்தான் இதுபோன்ற தேவையற்ற பேச்சுக்களை அவர் பேசி வருகிறார். அவரது இந்த அணுகுமுறையால் பிக்பாஸ் நிகழ்ச்சியின் இந்த சீசன் பாதாளத்திற்குச் சென்றுள்ளது” என்று மிகக் காரசாரமாகக் குற்றம்சாட்டியுள்ளார்.

திரையுலகிலும் சின்னத்திரையிலும் பிக்பாஸ் நிகழ்ச்சி குறித்துப் பல்வேறு கருத்துகள் நிலவி வரும் சூழலில், பிரபல மூத்த பத்திரிகையாளர் மணி நடிகர் விஜய் சேதுபதியை நேரடியாகச் சாடிப் பேசியுள்ள இந்த அதிரடி விமர்சனம், தற்போது சமூக வலைத்தளங்களிலும் சினிமா ரசிகர்களிடையேயும் பெரும் விவாதத்தையும் பரபரப்பையும் கிளப்பியுள்ளது.

Leave a Comment