கோபுர தரிசனம் கோடி புண்ணியம்: மீனாட்சி அம்மன் கோவில் கும்பாபிஷேகத்தில் அமைச்சர் விஸ்வநாதன் நெகிழ்ச்சி!

மதுரை அருள்மிகு மீனாட்சி சுந்தரேசுவரர் திருக்கோயில் மகா கும்பாபிஷேக விழாவைக் காண வருகை தந்த உயர்கல்வித் துறை அமைச்சர் விஸ்வநாதன், இந்நிகழ்வு குறித்துச் செய்தியாளர்களிடம் நெகிழ்ச்சியுடன் பேட்டியளித்துள்ளார்.

அவர் கூறுகையில், “இன்று மிகவும் சந்தோஷமான, மகிழ்ச்சியான ஒரு சிறப்புமிக்க நாள். தமிழகத்தில் முதல்வர் விஜய் தலைமையிலான அரசு பதவியேற்ற பிறகு நடைபெறும் முதல் மகா கும்பாபிஷேகம் இதுவாகும்.

உலக வரலாற்றுச் சிறப்புமிக்க இந்த வரலாற்றுச் சிறப்புமிக்க நிகழ்வைக் காண உலகெங்கிலும் வாழும் தமிழர்கள் பெருந்திரளாக வந்துள்ளனர். ‘கோபுர தரிசனம் கோடி புண்ணியம்’ என்பதற்கு ஏற்ப, இந்த ஆன்மீக வைபவத்திற்காக இந்து சமய அறநிலையத்துறை அமைச்சர் ரமேஷ் அனைத்துச் சிறப்பான ஏற்பாடுகளையும் மிகச் நேர்த்தியாகச் செய்துள்ளார்” என்று பாராட்டினார்.

மதுரை மீனாட்சி அம்மன் கோவிலின் வரலாற்றுச் சிறப்புமிக்க இந்தக் கும்பாபிஷேகப் பெருவிழா, பல்லாயிரக்கணக்கான பக்தர்கள் மற்றும் ஆன்மீக அன்பர்களின் பங்கேற்புடன் கோலாகலமாக நடைபெற்று வரும் சூழலில், அமைச்சரின் இந்த நேர்மறையான பேச்சு ஆன்மீக வட்டாரங்களிலும் பொதுமக்கள் மத்தியிலும் பெரும் கவனத்தைப் பெற்றுள்ளது.

Leave a Comment