“முடி வெட்டினால் என்ன பிரச்சனை?” சென்னை மேயர் பிரியாவின் அதிரடி X தளப் பதிவு!

சென்னை மாநகராட்சி மேயர் பிரியா ராஜன் தனது X தளத்தில் (Twitter) வெளியிட்டுள்ள அதிரடிப் பதிவு தற்போது சமூக வலைத்தளங்களில் பெரும் விவாதத்தையும் அதிர்ச்சியையும் ஏற்படுத்தியுள்ளது. பொது வாழ்க்கையில் இருக்கும் பெண்கள் சந்திக்கும் தினசரி சவால்கள் மற்றும் தொடர்ந்து தனது தனிப்பட்ட வாழ்க்கையில் முன்வைக்கப்படும் விமர்சனங்கள் குறித்து அவர் மிகவும் ஆதங்கமாகப் பேசியுள்ளது மக்களின் கவனத்தை ஈர்த்துள்ளது.

தனது பதிவில் அவர் கூறியவதாவது, “முதல் நாள் முதல் இன்று வரை, நான் செய்யும் மிகச் சாதாரணமான விஷயங்கள் கூட பிரச்சனையாக்கப்படுகின்றன. நான் பர்கர் சாப்பிட்டாலும் பிரச்சனை, முடியை வெட்டிக்கொண்டாலும் பிரச்சனை. நான் எடுக்கும் ஒவ்வொரு தனிப்பட்ட முடிவும் கேள்விக்குள்ளாக்கப்பட்டு, விமர்சிக்கப்படுகிறது” என்று தனது மன குமுறலை வெளிப்படுத்தியுள்ளார்.

மேலும், இந்தத் தொடர்ச்சியான தனிப்பட்ட தாக்குதல்களுக்கு பின்னால் இருக்கும் காரணத்தைக் கேள்வி கேட்கும் வகையில் அவர் பேசியுள்ளது பெரும் அரசியல் தாக்கத்தை ஏற்படுத்தியுள்ளது. “சில நேரங்களில் நான் யோசிப்பதுண்டு… இதற்குக் காரணம் நான் ஒரு பெண் என்பதாலா? அல்லது ஒரு குறிப்பிட்ட சமூகத்தைச் சேர்ந்தவள் என்பதாலா?” என்று மிகவும் ஆழமான கேள்வியை அவர் எழுப்பியுள்ளது பெரும் திருப்பமாகப் பார்க்கப்படுகிறது.

மேயர் பிரியாவின் இந்தப் பதிவு வெளியான சில மணிநேரங்களில் பெரும் ஆதரவையும் விவாதத்தையும் பெற்றுள்ளது. பொதுப் பதவியில் இருக்கும் பெண் தலைவர்களின் செயல்பாடுகளுக்குப் பதிலாக, அவர்களது உணவு, ஆடை மற்றும் தனிப்பட்ட தோற்றம் குறித்து தொடர்ந்து விமர்சனங்கள் முன்வைக்கப்படுவது சாதாரணமான ஒரு விஷயமாக மாறியுள்ளது என்று பல சமூக ஆர்வலர்களும் பெண் உரிமை செயல்பாட்டாளர்களும் ஆதரவுக் குரல் எழுப்பி வருகின்றனர்.

பெண் தலைவர்களையும் பொது வாழ்க்கையில் இருப்பவர்களையும் பார்க்கும் சமூகத்தின் பார்வையில் மாற்றம் தேவை என்பதை மேயர் பிரியாவின் இந்த X தளப் பதிவு மீண்டும் ஒருமுறை உறுதிப்படுத்தியுள்ளது. தனிப்பட்ட உரிமையான முடியை வெட்டிக்கொள்வது அல்லது உணவு சாப்பிடுவது கூட அரசியலாக்கப்படுவது ஒரு ஆரோக்கியமான பொது விவாதத்திற்கு வழிவகுக்குமா என்று பல ஆர்வலர்களும் கேள்வி எழுப்பி வருகிறார்கள்.

Leave a Comment