காங்கிரஸ் கட்சியோடு திமுக இணைந்து உழைத்திருந்தால், ஒத்துழைத்திருந்தால் நம்மால் ஆட்சி அமைத்திருக்க முடியும் என்றும், ஆனால் அது நடக்கவில்லை என்றும் புதுச்சேரி முன்னாள் முதல்வர் நாராயணசாமி தெரிவித்துள்ளார்.
புதுச்சேரி இடைத்தேர்தல் வேட்பாளர் அறிமுகக் கூட்டத்தில் கலந்துகொண்டு பேசிய அவர், “தற்போது கையும், விசிலும் இணைந்துள்ளது; கை இருந்தால் தான் விசில் அடிக்க முடியும்” என்று சுவாரஸ்யமாகக் குறிப்பிட்டார.
மேலும், “விஜய்யும் ராகுல் காந்தியும் இணைந்துள்ளார்கள், தொண்டர்களாகிய நாம் இணைந்தால் தான் தேர்தலில் வெற்றி பெற முடியும்” என்று கூட்டத்தில் இருந்த நிர்வாகிகளுக்கும் தொண்டர்களுக்கும் அழைப்பு விடுத்தார்.
திமுக உடனான கூட்டணி அமைப்பில் ஏற்பட்ட தொய்வு குறித்து வெளிப்படையாகப் பேசிய அவர், தற்போதைய அரசியல் சூழலில் தமிழக வெற்றிக் கழகத்தின் ‘விசில்’ சின்னத்தையும் காங்கிரஸின் ‘கை’ சின்னத்தையும் ஒப்பீடாக வைத்துப் பேசியது அரசியல் வட்டாரத்தில் பெரும் விவாதத்தைக் கிளப்பியுள்ளது.
விஜய் மற்றும் ராகுல் காந்தியின் தேசிய அளவிலான பிணைப்பையும் உள்ளூர் அரசியல் வியூகத்தையும் இணைத்து நாராயணசாமி பேசியுள்ள இந்த பேச்சு, புதுச்சேரி இடைத்தேர்தல் களம் மற்றும் வரவிருக்கும் கூட்டணி மாற்றங்கள் குறித்துப் புதிய அரசியல் கணிப்புகளையும் பரபரப்பையும் ஏற்படுத்தியுள்ளது.