தமிழ் திரையுலகின் முன்னணி நட்சத்திரமான ‘தளபதி’ விஜயின் திரைப்படங்கள் திரைக்கு வரும்போதெல்லாம், ஒரு தீவிரமான ரசிகனாகத் தான் செய்த பிரமிக்க வைக்கும் வழிபாட்டு முறைகள் குறித்து அமைச்சர் கே. தென்னரசு வெளிப்படையாகப் பேசி அனைவரையும் ஆச்சரியத்தில் ஆழ்த்தியுள்ளார்.
நிகழ்ச்சி ஒன்றில் கலந்து கொண்டு பேசிய அவர், “தளபதியின் புதிய திரைப்படங்கள் திரையரங்குகளில் வெளியாகும் போதெல்லாம், வழக்கமாக கடவுளுக்குச் செய்ய வேண்டிய அத்தனை சிறப்பு அபிஷேகங்களையும், வழிபாடுகளையும் நான் தவறாமல் செய்திருக்கிறேன்.
வெறும் பால் அபிஷேகத்தோடு நிறுத்திவிடாமல், ‘பைரவா’ மற்றும் ‘வில்லு’ திரைப்படங்கள் வெளியான சமயத்தில், அப்படம் மிகப்பெரிய வெற்றி பெற வேண்டும் என்பதற்காக என் முதுகில் அழகு குத்திக்கொண்டு ராட்டினத்தில் தொங்கினேன்.
அதுமட்டுமின்றி, படத்தின் வெற்றியை வேண்டி என் முதுகில் அலகு குத்தி காரையே இழுத்து நேர்த்திக்கடன் செலுத்தினேன்” என்று தனது பழைய நினைவுகளை மிகவும் நெகிழ்ச்சியோடு பகிர்ந்துகொண்டார். ஒரு தீவிரமான விஜய் ரசிகனாகத் தான் செய்த இந்த அசாத்தியமான செயல்கள் குறித்து அமைச்சர் கே. தென்னரசு வெளிப்படையாகப் பேசியது, அரங்கத்தில் இருந்தவர்களை வியப்பில் ஆழ்த்தியது.
திரையுலகில் உச்ச நட்சத்திரமாக விளங்கும் விஜயின் படங்களுக்கு ரசிகர்கள் பாலபிஷேகம் செய்வதும், கட்-அவுட் வைப்பதும் வழக்கமான ஒன்றுதான் என்றாலும், ஒரு அரசியல் பிரபலமும் அமைச்சருமான ஒருவர் தனது அபிமான நடிகரின் பட வெற்றிக்கு அலகு குத்தி காரையே இழுத்ததாகக் கூறிய செய்தி, தற்போது சமூக வலைத்தளங்களிலும் சினிமா வட்டாரத்திலும் மிக வேகமாகப் பரவி பெரும் பேசுபொருளாக மாறியுள்ளது.