ஈரான் நாடு அமெரிக்காவுடன் விரைவாகவும் தீவிரமாகவும் ஓர் ஒப்பந்தத்தை மேற்கொள்ளத் தயாராக உள்ளதாகவும், அது குறித்துத் தங்களது நிர்வாகம் தீவிரமாகப் பரிசீலித்து வருவதாகவும் அமெரிக்க அதிபர் டொனால்ட் டிரம்ப் அறிவித்துள்ளார்.
இது குறித்துப் பேசியுள்ள அவர், “ஈரானுடன் தூதரக ரீதியிலான பேச்சுவார்த்தைகளை நடத்துவது குறித்து நாங்கள் ஆலோசித்து வருகிறோம். இந்த பேச்சுவார்த்தைகள் வெற்றி பெற்று போர் முடிவுக்கு வந்தவுடன், உலக சந்தையில் எரிவாயு மற்றும் கச்சா எண்ணெய் விலைகள் கடுமையாக வீழ்ச்சியடையும்” என்று நம்பிக்கை தெரிவித்துள்ளார்.
மத்திய கிழக்கு பிராந்தியத்தில் நிலவி வரும் போர்ப் பதற்றங்கள் மற்றும் சர்வதேசப் பொருளாதாரத் தேக்கநிலைக்கு இடையே, டிரம்ப் வெளியிட்டுள்ள இந்தச் சுமுகமான அறிவிப்பு சர்வதேச அரசியல் மேடையில் புதிய மாற்றங்களை விதைத்துள்ளது.
போரை முடிவுக்குக் கொண்டு வருவதன் மூலம் உலகளவில் நிலவும் எரிசக்தி நெருக்கடிக்குத் தீர்வு காண முடியும் என்ற அதிபர் டிரம்பின் இந்த அதிரடி அறிக்கை, சர்வதேச சந்தையில் எண்ணெய் இறக்குமதி செய்யும் நாடுகளுக்கு மிகப்பெரிய நிம்மதியையும் எதிர்பார்ப்பையும் ஏற்படுத்தியுள்ளது.