பழம்பெரும் இந்தியத் திரைப்பட நடிகை சௌகார் ஜானகியின் மறைவு செய்தி கேட்டு ஆழ்ந்த இரங்கலையும் அனுதாபத்தையும் தெரிவித்துள்ள முதலமைச்சர் விஜய், அவரது மறைவு திரையுலகிற்கு ஈடுசெய்ய முடியாத பேரிழப்பு என உருக்கமான செய்தி வெளியிட்டுள்ளார். இந்தியத் திரையுலகின் பொற்காலக் கட்டத்தில் தனது தனித்துவமான நடிப்பால் பல தலைமுறை ரசிகர்களின் மனதில் நீங்கா இடம்பெற்ற ஒரு சிறந்த கலை ஆளுமையை இந்திய சினிமா இன்று இழந்துநிற்கிறது.
முதல்வர் விஜய் தனது இரங்கல் செய்தியில், “தனது கம்பீரமான மற்றும் இயல்பான நடிப்பால் இந்தியத் திரையுலகில் தனித்துவ முத்திரை பதித்த பழம்பெரும் நடிகை சௌகார் ஜானகி அவர்களின் மறைவு செய்தி அறிந்து மிகுந்த வேதனையடைந்தேன்.
திரையுலகில் 70 ஆண்டுகளுக்கும் மேலாகத் தொடர்ந்து பயணித்து, எண்ணற்ற கதாபாத்திரங்களுக்குத் தனது அசாத்திய நடிப்பால் உயிரூட்டிய அவரது ஒப்பற்ற கலைப்பணி என்றும் போற்றத்தக்கது. இந்தியத் திரையுலகிற்கு அவரது மறைவு மிகப்பெரிய ஈடுசெய்ய முடியாத இழப்பாகும்” என்று நெகிழ்ச்சியுடன் குறிப்பிட்டுள்ளார்.
மேலும், சௌகார் ஜானகியை இழந்து வாடும் அவரது குடும்பத்தினருக்கும், உறவினர்களுக்கும், திரைத்துறையைச் சேர்ந்த நண்பர்களுக்கும், ஒட்டுமொத்தப் பல கோடி ரசிகர்களுக்கும் தனது ஆழ்ந்த அனுதாபங்களைத் தெரிவித்துக் கொள்வதாகவும் அவர் கூறியுள்ளார். சௌகார் ஜானகியின் மறைவைத் தொடர்ந்து திரையுலகைச் சேர்ந்த பிரபலங்களும், அரசியல் கட்சித் தலைவர்களும், ரசிகர்களும் தங்களது இரங்கல்களைத் தெரிவித்து வருகின்றனர்.