“மூன்றாவது இடத்தில் சென்னை!”: அதிக வருவாய் ஈட்டும் நாட்டின் முன்னணி ரயில் நிலையங்களில் சென்னை சென்ட்ரல் பிரம்மாண்ட சாதனை!

இந்தியாவிலேயே அதிக வருவாய் ஈட்டும் முதல் பத்து ரயில்வே ஸ்டேஷன்களின் பட்டியலில் சென்னை சென்ட்ரல் ரயில்வே ஸ்டேஷன் மிக முக்கிய இடத்தைப் பிடித்து சாதனை படைத்துள்ளது.

ரயில்வே துறை வெளியிட்டுள்ள அதிகாரப்பூர்வ தரவுகளின்படி, அதிக வருவாய் ஈட்டும் ரயில் நிலையங்களின் வரிசையில் சென்னை சென்ட்ரல் ரயில் நிலையம் தேசிய அளவில் 3-வது இடத்தைக் கைப்பற்றியுள்ளது. இந்தப் பட்டியலில் டெல்லி ரயில் நிலையம் ரூ.3,337 கோடி வருவாயுடன் முதலிடத்தையும், ஹவுரா ரயில் நிலையம் ரூ.1,692 கோடி வருவாயுடன் இரண்டாம் இடத்தையும் பிடித்துள்ளன. இவற்றைத் தொடர்ந்து சென்னை சென்ட்ரல் ரயில்வே ஸ்டேஷன் ரூ.1,299 கோடி வருவாய் ஈட்டி நாட்டின் முன்னணிப் போக்குவரத்து மையமாக உருவெடுத்துள்ளது.

தென்னகத்தின் பிரதான நுழைவுவாயிலாகவும், லட்சக்கணக்கான பயணிகளின் முதன்மைத் தேர்வாகவும் விளங்கும் சென்னை சென்ட்ரல் ரயில் நிலையம் ஈட்டியுள்ள இந்த பிரம்மாண்டமான வருவாய் சாதனை, தமிழ்நாட்டின் பொருளாதார வலிமையையும் வழித்தடப் போக்குவரத்து அடர்த்தியையும் சுட்டிக்காட்டும் வகையில் அமைந்துள்ளது.

Leave a Comment