தமிழக சட்டமன்றக் கூட்டத்தொடரில் பிற்படுத்தப்பட்டோர் நலத்துறை மானியக் கோரிக்கை மீதான விவாதம் நடைபெற்றுக் கொண்டிருந்தபோது, அவையில் எதிர்பாராத ஒரு சுவாரஸ்யமான நிகழ்வு அரங்கேறியது.
விவாதத்தின் போது உரையாற்றிய அமைச்சர் சம்பத்குமார், புரட்சித் தலைவர் எம்.ஜி.ஆர் அவர்களின் புகழ்பெற்ற திரையிசைப் பாடலான “நான் படித்தேன் காஞ்சியிலே…” என்ற பாடலைத் திடீரெனப் பாடி உறுப்பினர்களின் கவனத்தை ஈர்த்தார்.
இதனைத் தொடர்ந்து, மூத்த அமைச்சரான கே.என்.நேரு குறுக்கிட்டு, “நீங்கள் பொறுப்பு வகிக்கும் பிற்படுத்தப்பட்டோர் நலத்துறைக்கும் நீங்கள் பாடிய இந்த எம்.ஜி.ஆர் பாடலுக்கும் என்ன தொடர்பு?” என நகைச்சுவையாகக் கேள்வி எழுப்பினார்.
அதற்குச் சற்றும் யோசிக்காமல் உடனடியாகச் சமயோஜிதமாகப் பதிலளித்த அமைச்சர் சம்பத்குமார், “எதிர்க்கட்சித் தலைவருக்கு இந்தப் பாடல் மிகவும் பிடிக்கும் என்பதால் தான் பாடினேன்” என்று பதிலளித்தார்.
அமைச்சரின் இந்த எதிர்பாராத சுவாரஸ்யமான பதிலைக் கேட்டு அவைத் தலைவர், ஆளுங்கட்சி மற்றும் எதிர்க்கட்சி உறுப்பினர்கள் அனைவரும் சிரிப்பொலி எழுப்பியதால் சட்டமன்றத்தில் சில நிமிடங்கள் கலகலப்பான சூழல் நிலவியது.