டாஸ்மாக் நிறுவனத்தில் நடைபெற்றதாகக் கூறப்படும் பல்வேறு முறைகேடுகள் மற்றும் ஊழல் வழக்குகள் தொடர்பான விசாரணை தமிழக அரசியல் களத்தில் மீண்டும் பெரும் புயலைக் கிளப்பியுள்ளது.
இச்சூழலில், டாஸ்மாக் மதுபானக் கொள்முதல், பார் டெண்டர்கள் ஒதுக்கீடு மற்றும் போக்குவரத்து ஒப்பந்தங்களில் பெரும் முறைகேடுகள் நடைபெற்றதாக எழுந்த புகார்களின் அடிப்படையில், முன்னாள் அமைச்சர் செந்தில்பாலாஜிக்கு லஞ்ச ஒழிப்புத்துறை (DVAC) சார்பில் முறைப்படி விசாரணைச் சம்மன் அனுப்பப்பட்டுள்ளது.
இதன் தொடர்ச்சியாக, இன்று காலை 11 மணிக்குச் சென்னை லஞ்ச ஒழிப்புத்துறை அலுவலகத்தில் செந்தில்பாலாஜி நேரில் ஆஜராகி விளக்கம் அளிக்கவுள்ளதாகக் தகவல்கள் வெளியாகி வருகின்றன. ஏற்கனவே இதுதொடர்பான விசாரணைகள் தீவிரமடைந்துள்ள நிலையில், அவரிடம் லஞ்ச ஒழிப்புத்துறை அதிகாரிகள் முக்கிய ஆவணங்களின் அடிப்படையில் தீவிர விசாரணை நடத்தத் திட்டமிட்டுள்ளதாகத் தெரிகிறது.
முன்னாள் அமைச்சர் செந்தில்பாலாஜி லஞ்ச ஒழிப்புத்துறை அலுவலகத்திற்கு நேரில் ஆஜராவது குறித்த செய்தி, ஆளும்கட்சி மற்றும் எதிர்க்கட்சிகள் இடையே மீண்டும் பெரும் காரசார விவாதங்களை உருவாக்கியுள்ளது. விசாரணை முடிவில் வெளிவரவுள்ள தகவல்கள் மற்றும் இந்த வழக்கின் அடுத்த கட்ட சட்ட நடவடிக்கைகள் குறித்துத் தமிழக அரசியல் வட்டாரத்தில் பரவலான எதிர்பார்ப்பும் பரபரப்பும் நிலவி வருகிறது.