நியூ மெக்ஸிகோ இல்லை… நியூ அமெரிக்கா! மாநிலத்தின் பெயரை மாற்ற டொனால்ட் டிரம்ப் அதிரடி வலியுறுத்தல்!

அமெரிக்காவின் முக்கிய மாநிலங்களில் ஒன்றான ‘நியூ மெக்ஸிகோ’ (New Mexico) மாநிலத்தின் பெயரை ‘நியூ அமெரிக்கா’ (New America) என உடனடியாக மாற்ற வேண்டும் என்று முன்னாள் அதிபர் டொனால்ட் டிரம்ப் வலியுறுத்தியுள்ளது உலக அரசியலில் பெரும் பரபரப்பையும் விவாதத்தையும் ஏற்படுத்தியுள்ளது.

தனது ‘ட்ரூத் சோஷியல்’ (Truth Social) சமூக வலைதளப் பக்கத்தில் இது குறித்துப் பதிவிட்டுள்ள அவர், “நாம் மெக்ஸிகோ அல்ல; அமெரிக்க ஐக்கிய நாடுகள்!” என்று மிக உறுதியாகக் குறிப்பிட்டுள்ளார். அமெரிக்க எல்லைக்குள் இருக்கும் ஒரு மாநிலத்திற்கு மெக்ஸிகோவின் பெயர் இருப்பது பொருத்தமற்றது என்ற ரீதியில் அவர் தனது கருத்தைப் பதிவு செய்துள்ளார்.

மேலும் இந்த பெயர் மாற்றம் குறித்துத் தொடர்ந்து பேசிய டிரம்ப், மாநிலத்தின் பெயரை இவ்வாறு மாற்றுவதன் மூலம் அந்த மாநிலத்தின் ஒட்டுமொத்த மதிப்பு உயரும் எனக் கூறியுள்ளார். குறிப்பாக, மக்களின் வீடுகளின் மதிப்பு மற்றும் அவர்களின் தனிநபர் வருமானம் ஆகியவை கணிசமாக அதிகரிக்கும் என்றும் அவர் தனது பதிவில் சுட்டிக்காட்டியுள்ளார்.

டொனால்ட் டிரம்பின் இந்த அதிரடியான கருத்து சமூக வலைதளங்களில் வைரலாகி வருவதுடன், அமெரிக்க அரசியல் வட்டாரங்களிலும் பொதுமக்கள் மத்தியிலும் பெரும் காரசாரமான விவாதங்களை கிளப்பியுள்ளது.

Leave a Comment