தமிழகச் சட்டமன்றத்தில் நடைபெற்ற காரசாரமான விவாதத்தின் போது, முன்னாள் அமைச்சர் நேரு தனது உணவுப் பழக்கம் மற்றும் நிலப் புலன்கள் குறித்து அமைச்சர் ஆதவ் அர்ஜுனாவின் கேள்விக்குப் சுவாரஸ்யமான பதிலளித்துள்ளார். பேரவையில் இரு தலைவர்களுக்கும் இடையே நடைபெற்ற இந்த ஆரோக்கியமான உரையாடல் அனைவரின் கவனத்தையும் ஈர்த்துள்ளது.
அவையில் பேசிய முன்னாள் அமைச்சர் நேரு, “நான் ஆயிரம் ஏக்கர் நிலம் வைத்திருப்பதாக அமைச்சர் ஆதவ் அர்ஜுனா சட்டமன்றத்தில் சொன்னார்; உண்மையிலேயே எவ்வளவு நிலம் இருந்தாலும் மனிதனால் உண்ண முடிவதைத்தான் சாப்பிட முடியும். ரேஷன் அரிசியைச் சாப்பிட்டால் சர்க்கரை நோய் கட்டுப்பாட்டில் இருக்கும், குறையும் என்கிற எனது மருத்துவரின் அறிவுரையால் தான் நான் தினமும் ரேஷன் அரிசியைச் சாப்பிட்டு வருகிறேன்” என்று நெகிழ்ச்சியோடு குறிப்பிட்டார்.
மேலும் நகைச்சுவையாகத் தொடர்ந்த அவர், “எங்களது விவசாய நிலங்களில் நாங்கள் உற்பத்தி செய்யும் மற்ற உயர்தர அரிசிகள் எல்லாம் உங்களைப் போன்றவர்களுக்காகத் தான்” என்று குறிப்பிட்டது பேரவையில் சிரிப்பலையை ஏற்படுத்தியது. சர்க்கரை நோயைக் கட்டுப்படுத்த மருத்துவர் கூறிய ஆலோசனையை ஏற்றுத் தான் எளிமையான உணவை உட்கொள்வதாக முன்னாள் அமைச்சர் நேரு அளித்த இந்த எதார்த்தமான விளக்கம், மக்கள் மத்தியிலும் சமூக வலைதளங்களிலும் பரவலாகப் பகிரப்பட்டு வரவேற்பைப் பெற்று வருகிறது.